"" يمكن تحلو ..... ممكن.! ""
******************
من تانى ومن جديد
هكتب بقلمي حديت
وهقول ما تصدقوش
كل اللي يحصل
جايز يحصل ويمكن ما يحصل
الحكايه مش ناقصه هم
ومش ناقصه كدب وخيانه
ومش ناقصه ظلم ومهانه
وفقعة دم
واللي فيها مكفيها
كفايه
منين جبتيها
ولفين هتوديها
تعالوا نبدأ من البدايه
البدايه: كانت كلمتين على غمزتين
وهزرنا وضحكنا بنكتتين
وبعديها كلمة وحشتيني
كان ردها بشكراً وابتسمتين
يمكن تحلو ....... ممكن .!
وكان الامل بيقرب مني
خطوتين بخطوتين
اقول بحبك
تقول وانا كمان
بس بعد حين وحين
واتطورت العلاقه بين الاتنين
وفمره قالت لازم نبعد
ليه ....؟ مش عارفه
يمكن قولت بحبك ضعف
ويمكن بتهز الاراده
بس قالولي زمان
ان الحب بيدي لصحابه العماده
مش عارف لفين اروح
واجيب دوايا منين
ولا ابات مجروح
وعلى خدايا دمعتين
اصحي يا المي وقولي
على ايه بتتألم
وليه عشانه بتضحي
وليه عشانه بتسلم
وانت معهدني مره فاتت
انك اقوى منه ومن حبه
ومن الايام اللى فاتت
اقولك تنساه تنسي
واياك تعصي امري
ولو عصيت نهيت
ولا يهمني
اللي يهمني امري
هصدر عليك فرمان
انك فى جسدي تمري
ومافيش أوامر الا أوامري
اخرك تدق عشان اعيش
لكن عقلي
هو اللى يأمر وينهي
No comments:
Post a Comment