إسلام عبدالحليم .. لقاء مع أديب 2000

اهلا وسهلا بكل أدباء ٢٠٠٠ .. والنهارده لقائنا الرابع من فقرة ( لقاء مع أديب ٢٠٠٠ ) ... والنهاردة معادنا مع الرومانسيه والعزيمه .. الاراده .. والعشق .. الحب الذي لا يعرف النسيان .. النهاردة معانا ومعاكم أينوچت وصاحبها الاستاذ والكاتب الروائي ( اسلام عبدالحليم )

** منة عامر : اهلا وسهلا بحضرتك استاذ اسلام

** اسلام عبدالحليم : اهلا وسهلا بيكي

**  منة عامر : بنرحب بيك في مجلة أدباء  ٢٠٠٠وبنتمنى تكون سعيد باللقاء معانا

** أسلام عبدالحليم : يشرفني طبعا اني اكون معاكم النهاردة

** منة عامر : الشرف لينا يافندم    في البدايه بنحب نهنيك على الجواز .. الف مبروك .. .. اسلام عبدالحليم عريس جديد تمام

** أسلام عبدالحليم : اه تمام ..الله يبارك فيكي :)

** منة عامر : ويبارك في حضرتك..  هنبتدي ببداية الكتابه وبداية تفكيرك انك تكتب

اول رواية ليك .. وسقطت أخر دمعه ؟

** أسلام عبدالحليم : دايما موضوع الكتابة هو اني اصنع عالم مختلف فيه شخصيات من ابداعي ..عالم مش موجود طبعا علي ارض الواقع فأبتدي من خلال الحبكة الروائية اني اوصل رسالة لكل واحد يقرأ الرواية

** منة عامر : يعني نفهم من كدة انك بتكتب اي رواية بهدف أنك توصل رساله للقارء ؟

** أسلام عبدالحليم : اي رواية لازم يكون ليها هدف ورسالة ..يعني القاريء لازم يطلع بحاجة مفيدة ..سواء كانت الأفادة نفسية او علمية

** منة عامر : معاك طبعا في الاجابه دي بس اوقات في كتاب وروائيين مش بيسلطو الضوء على انهم بيبعثو رساله للقارء بتبقى الرواية او المقال مثلا بيهدف لأغراض

تانيه اوقات بتبقى مهمشه والقارء مش بيستفيد بمعنى الكلمه ؟ .. حضرتك قراءة شيئ من هذا القبيل قبل كدة ؟

** أسلام عبدالحليم : اكيد كان في روايات كان ليها هدف وفي روايات كانت مجرد هدفها الأثارة والمفاجأة وبس والنوعين ليهم متعتهم وده علي حسب الكاتب واسلوبه..لكن انا اميل دايما اني اقرأ حاجة ليها هدف ..لأن وجود الهدف في العمل بيجعل ليه قيمة

** منة عامر  : حضرتك كنت قولت انك من مواليد السيده زينب .. حضرتك اتربيت وعشت فيها ولا كانت البدايه بس هناك وانتقلت لمكان تاني ؟

** أسلام عبدالحليم : لا متربي في السيدة زينب :)

** منة عامر : احكلنا عن المكان ولو أثر في شخصيتك وبتحب تتجول بين الجماليه وسيدنا الحسين وخان الخليلي وبتحس بايه وانت في الاماكن الاثريه الجميله دي ؟

** أسلام عبدالحليم : طبعا الأماكن سواء السيدة زينب او الحسين وخان الخليلي ديه اماكن ليها الروح الخاصه بيها ..اماكن تتسم بالبساطة والجو الشعبي المصري فعلا ..ويكفي فعلا اني انزل اتمشي في اي من الأماكن ديه فعلا بستنشق هواء البساطة وطبعا ده اثر علي شخصيتي اني احس اني شخصية بسيطة ...واثر علي كتاباتي في الروايات..

** منة عامر. : جميل جداً .. احكلنا شويه عن أينوچت ؟ وايه معنى أينوچت ؟ هل القصه حقيقيه ولا من وحي خيالك فقط ؟

** أسلام عبدالحليم : أينوچت بكل بساطة هي زي مقلتي في الأول تحمل الحب والأرادة والعزيمة ودي اهم رسالة بتقدمها الرواية وزي مقلتلك ان بالنسبالي الرسالة اهم شيء في العمل الروائي واينوچت كل اللي هيقرأها هيوصلو الرسالة ديه بالنسبة لمعني كلمة أينوچت هو اسم ليه مدلول في الرواية ..والقصة من وحي خيالي

** منة عامر : يعني أينوچت كلمة عربيه ؟

** أسلام عبدالحليم : لا هي اسم من وحي الخيال بس ليه مدلول زي مقلت لحضرتك :)

** منة عامر : اها تمام شيئ رائع انك تخترع اسم ليه مدلول انا في بالي انها إيرانيه مثلا ..بعد ما كتبت اول رواية ليك ( وسقطت أخر دمعه ) توقفت عن الكتابه لفتره ؟

** أسلام عبدالحليم : لا ابتديت في أينوچت علي طول

** منة عامر : الناس من اول رواية اعجبت بروايتك ولا في حد انتقدك ؟

** أسلام عبدالحليم : رواية وسقطت اخر دمعة مخرجتش للنور وكل اللي قرأوها حوالي 3 اشخاص فعجبتهم ومكنش فيه قراء كتير عشان يبقي في انتقادات

** منة عامر : طيب لو في حد وجهلك انتقادات في أينوچت هتتقبله ولا مش هتاخد انتقاده بعين الاعتبار وهتكمل في رواياتك القادمه بنفس الاسلوب اللي انتقدك فيه .. ده على سبيل المثال ؟

** أسلام عبدالحليم : والله اي انتقاد لازم الواحد يحطه في الأعتبار ولازم ادرسه كويس وساعتها ممكن يكون ليه تأثير في كتاباتي وده فعلا حصل لأني قبل نشر أينوچت قرأها بعض من اصدقائي المقربين وانتقدوا بعض الأجزاء اللي فعلا غيرتها في الرواية

** منة عامر :  لو حد من المعجبين على صفحة اينوچت سألك وقالك اكتبلنا مقال مثلا او جزء بسيط بس مش في الحب والرومانسيه .. مقاله سياسيه مثلا .. ايه اول خاطر ممكن يكتبه قلمك عن السياسيه ؟

** أسلام عبدالحليم : مش بحب اكتب عن السياسة بصراحة

** منة عامر : يعني مافيش اي حاجه ممكن تكتبها عن السياسه ؟

** أسلام عبدالحليم : لا خالص مبحبش ادخل في السياسة

** منة عامر : تمام ودي شيئ لازم نحترمه طبعاً

** منة عامر : بتحب تسمع موسيقى وانت بتكتب ؟

** أسلام عبدالحليم : مبعرفش اكتب غير عليها :)

** منة عامر : بتحب تسمع ايه من الموسيقى ؟

** أسلام عبدالحليم : موسيقي هادئة طبعا سواء بيانو او كمان

** منة عامر : لو معجبينك طلبو منك أنك تكتب رواية عن الرعب يترى هايكون ردك ايه ؟

** أسلام عبدالحليم : والله مش بحب اكتب في مجال الرعب بس ممكن احاول ايه المشكلة :)

** منة عامر : أسلام عبدالحليم .. ايه الحاجه اللي ممكن تنرفزه وتخرجه عن شعوره ؟

** أسلام عبدالحليم : السلبية ..لما الاقي موقف مهم والتعامل فيه بسلبية ده بيخرجني عن شعوري ..

** منة عامر : بتحب تقرا لمين .. ومن هو مثلك الأعلى من الادباء في الكتابه ؟

** أسلام عبدالحليم : طبعاً احب اقرأ للكاتب احمد مراد ويوسف زيدان ومحمد صادق.. ومثلي الأعلي هو كاتب من الجيل السابق وكان صديق للعائلة هو الكاتب احمد عمر شاهين ..

** منة عامر : الحمد لله راضي فعلا لأن اينوچت رواية ليها معني خاص جدا ورؤية خاصة جدا والحمد لله انها قدرت اخرجها بالشكل ده واتمني اكون كاتب مشهور في المستقبل واقدر ابقي كاتب مؤثر في المجتمع وده فعلا شايف اني اقدر اوصل ليه مادمت بجتهد  :)

** منة عامر : واحنا هنشجعك ومنتظرين منك كل جديد وراقي ورمانسي من حضرتك .. ويارب ان شاء الله تكون من الأدباء المشهورين بالمستقبل القريب أن شاء الله .. وبقولك شرفتنا بمجلة أدباء2000 باللقاء وشكرا لوقتك اللي اخدته منك وبتمنالك كل التوفيق في حياتك وشكراً ليك جدا

** أسلام عبدالحليم : انا فعلا اتبسطت بوجودي معاكم وانا فعلا اللي بشكرك وبشكر مجلة أدباء 2000

** منة عامر : الشكر والتقدير لحضرتك اسعدتني بوجودك معايا على المستوى الشخصي اهلا وسهلا بيك يافندم ولينا لقاء ثاني ان شاء الله في القريب ..

** أسلام عبدالحليم : وانا سعدت بوجودي معاكي وان شاء الله لينا لقاء تاني :)

ان شاء الله :) .. انتهى لقائنا مع الاستاذ الروائي الجميل ( أسلام عبدالحليم )   صاحب رواية أينوچت وانتظرو اللقاء القادم من فقرة ( لقاء مع أديب 2000 )