خاطرة ل محمد عبدالوهاب

مفيش اي حاجه في الدنيا بتحولك لملاك او فوق البشر او احسن منهم

تربي دقنك.. تلبسي نقاب.. تبقى ظابظ، دكتور، مستشار،مهندس،وزير،رئيس جمهورية، عالم....الخ كل ده عمره ما ينفي عنك صفتك البشريه.. ولا ماضيك وطفولتك وشبابك اللي ارتكبت فيهم حماقاتك وسيئاتك وبالمناسبة صفاتك الاصيله بتفضل زي ما هي في حاضرك زي انك مثلاً من صغرك كذاب، نصاب، معندكش ضمير، بتحب الفلوس اكتر حاجه، بخيل، شهواني، بتشرب مخدرات...الخ وغالباً الصفات دي بتستمر في المستقبل حتى لو قدرت تداريها ورا دقنك او نقابك او منصبك او فلوسك، ولو الناس الجاهله بتخاف من المنصب او المكانه الاجتماعية او النفوذ او الجاه اللي انت وصلت لهم وبتزغلل عينيهم المظاهر ففي ناس عارفه ماضيك كويس لانهم عاشروك في مرحله من مراحل حياتك وفي ناس فاهمه الكلام ده كويس وهيفضلوا شايفينك بشر، فبلاش تعيش دور الملاك او اللي اصبح ملاك لا يمكن يغلط او ضد النقد وضد انه يتساوى بالناس العاديين لان انت مهما عملت او وصلت هتفضل بشر #عادي

#ولا_اي_حاجه_معناها_اي_حاجه

#اوعى_تغرك_المظاهر

#اوعوا_تخافوا_من_مخلوق

#تخاريفي

بقلم/محمد عبد الوهاب