هو الكاتب .. هو الشاعر .. هو الإسكندر وبنتمناله أنه يبقى الأكبر بأشعاره وقصايده .. انه (مصطفى إسكندر ) .. شاب الحب مالي قلبه
وعقله .. وبيتكبلها هي وبس ومن أجلها وهنعرف اكيد مين هي في لقائنا معاه في القريب العاجل .. بس نحب نعرفكو في تعريف الاديب النهاردة عن واحد من الادباء الشباب اللي بقلمهم بيمتعونا وبقصايدهم بيشرفونا بنشرها ..
الكتابة بتمثله الهوا والنفس عن ضغوط الواقع .. والكتابه بالنسباله شيئ روحاني خيالي اكتر ما هو تخطى ضغوط الحياه اللي بنعشها .. وبيلاقي نفسه بين السطور والحروف اللي بتكون عباره عن لحن بيسمعه في عقله بتقربه اكتر لقلبه .. وبيفرحه انه بكلماته بيلمس بيها قلوب الناس وبيلمس كل حاجه حلوة جواهم ..
الأسم : مصطفى فهمى إسكندر
مواليد : 1993 .. محافظة دمنهور
طالب بكلية تجارة تخصص محاسبة ..
بدأ الكتابه من 4 سنوات ..
اول قصة تم نشرها له اليكرونياً " قصة شتاء "وكانت عباره عن جزئين قصة قصيره رومانسية ..
وقريباً سوف يكون له كتاب في الأسواق من تأليفه بعنوان ( من أجلها ) .. منتظرين منه كل جديد .. وانتظرو اللقاء اللي هايجمعنا بيه قريباً .. بنتمناله النجاح والتوفيق دايما
No comments:
Post a Comment