عينك تشوف النقرة
أميرة رزق
عينيك تشوف النُقرة
مسافة شبر و تكمل
خايف يفوت بكرا
وإنت محلك سر
عقلك ساعات يحسب
هتعدى فى المجمل
و يسجدك فى السر
وأما تقع وتقوم
ب تنفض اللى يبان
من الوقعة
و لسان هواك بيقول
إن الطريق مقفول
و إن الخطاوى
خوانة و ملاوعة
طب ليه مشيت خطوة
هتبكى عليك من الأول
بتلوم على السكة
و تخبى فى الضحكة
لأحسن سنان خوفك
تلمحك و تغير
طبع الحياة بتسير
و تفوت عليك تاخدك
يا تكمل المشاوير
يا تفضل فى الطريق
وحدك
والكل بيشاهدك
#اميرة رزق
No comments:
Post a Comment