الجزء الثالث والأخير من لقاء المخرج المسرحي محمد عبدالوارث

الجزء الثالث من لقاء المتميز (( محمد عبدالوارث )) ولكنه لم يكون اخر لقاء لنا معه باذن الله .. هنتواجد دائما معه في عروض 

مسرحياته الجميله .. في اخر جزء من لقائي معه ستجدون الكثير من الاسرار والمفاجاءات والاكتشافات الفنيه ورسائل الشكر الموجه علر لسانه لكل من الاستاذ (( محم حسن والقدير نقيب الممثلين الاستاذ أشرف زكي )) والكثير والكثير .. نتمنى لكم قراءة ممتعه للقاء

** عبدالوارث : انا مش مرتبط ومبفكرش في الارتباط ..

** منة عامر : انا هكتب كل ده في الحوار .. هههه

** عبدالوارث : هههه .. عادي والله ولعلمك رغم اني ليا صدقات كتير اغلبهم بنات ..

** منة عامر :: انا ملاحظة ده فعلا يعني احنا دلوقتي قاعدين  في المعهد العالي للفنون المسرحيه وكل الناس اللي سلمت عليهم أغلبهم بنات ..

** منة عامر : طيب بما انك مخرج مسرحي على مدار مشوارك اكتشفت حد موهبة يعني لحد دلوقتي ؟

** عبدالوارث : مسالت الاكتشاف لو مرتبطه بان حد معرووف فا انا اغلبية اصحابي معروفين زي مثلا ( محمد الشرنوبي ) .. وكمان هو اصغر مني .. (( محمد الشرنوبي اللي عمل دور هاني سلامه وهو صغير في فيلم السفاح .. ومأخرا كان طالع في دور الشاب اللي كان دايما نايم على السرير في مسلسل (( العهد )) رمضان 2015 ..

** منة عامر : ينهار ابيض ده انا من معجبينه بجد عمل الدور بطريقه حلوة جدا وابدع فيها بجد .. وكمان عايزة اقولك انا متفرجتش على المسلسل كله لان طريقة الكلام بالعاميه معجبتنيش .. قصته حلوة جدا بس موصلنيش باحساس  الاثارة اكتر مع الكلام بالعاميه محستش بتشويق اوي في المسلسل مع ان القصه تحفه ..

 ** عبدالوارث : بصي مكنش ينفع انهم يتكلموا باللغه العربيه وعلى فكرة اللغه العاميه اللي غير اللغه العاميه بتعتنا .. مين اللي قال ان المكان مثلا اللي كانو بيمثلوا فيه او الديكور القديم ده يستاهل او ينفع باللغه العربيه .. هما عملوا في زمن افتراضي والزمن الافتراضي ده مالوش لغه محدده يعني مثلا مش فيالعصر الجاهلي ..

** منة عامر : انا كمتفرجه ومشاهدة للمسلسل انتقدتهم في موضوع اللغه العاميه دي بس لاننا الشعب المصري عموما متعود على المسلسلات اللي من النوع ده بتبقى لغه عربيه .. يا اما لغه عاميه بس ده كان في الفوازير ..

** عبدالوارث : لو كان لغه عربيه مكنش هايحقق نسبة المشاهده دي ده رقم 1 .. في نفس الوقت اللي كان بيتعرض فيه العد كان فيه مسلسل اسمه اوراق التوت للفنانه سميحه ايوب وكان لغه عربيه ودي سيدة المسرح .. وطبعا مش هقول حاجه على سميحه ايوب دي سيدة المسرح العربي كله .. لكن ملاقاش النجاح زي العهد وكمان زي ما قولتلك العصر اللي كان فيه العهد عصر مفترض ومش مفترض عليه اللغه العربيه .. مكان افتراضي من خبال المؤلف .. وحتى لو كان في عصر الجاهليه مين قال ان فيالجاهليه كانو بيتكلموا باللغه العربيه اللي احنا نعرفها .. .. كان فيه لهجات .. فكرة ارتباط المشاهد باللغه مش دايما يمكن في مشهد الاغنيه اللي كانت بتتقال من ( اروى جودة ) بتتقال في افرحنا هو المؤلف افترض العصر ده من اصل الاغاني دي  .. ولو رجعنا لموضوعنا فا انا عندي فرقة خاصه اسمها ( هنهاجر المسرحيه ) دي فرقه شغاله بقالها تلت سنين  ناس كتير كانوا اول مرة يمثلوا مثلوا في الفرقه .. وناس كتيرة مكنوش يعرفوا حاجه عن التمثيل اتعلموا معانا التمثيل وبداو يشتغلوا .. ومعانا هنا في المعهد عبدالله صابر سنه تالته .. تمثيل واخراج عبدالله بدا معانا في الفرقه .. صلاح الدين خالد بدا معانا في الفرقه .. الفكرة باختصار مش هقول اكتشاف بس كان ليا الشرف ان ناس من جيلي حاليا نجوم .. ناس معايا في الفرقه وصلوا لمستوى كويس جدا .. على مستوى الفن .. او التمثيل الي هما بينه .. وانا جبيت معهد فنون المسرحيه وانا لسه في سنة اولى .. وشغال في الفن بقالي حوالي 10 او 11 سنه .. لكن جاي عشان اكمل انا خريج دار علوم جامعه القاهره .. فا جيت اكمل الشكل اللي عندي او الموهبه اللي عندي بشكل دراسي ..

 ** منة عامر : كلمنا عن السجين ؟ اانا قريت اول حلقه منها وقولتلك ان الشخصيه او البطل شخصيته قريبه شويه من شخصية كريم عبدالعزيز في فيلم الفيل الازرق ؟

** عبدالوارث : لا خالص يمكن اللي هغير رائيك في كده التفصيله او التفصلتين في اول حلقه تعامله مع الستات الى جانب شربه للسجاير والحاجات دي مش موجود في الفيل الازرق بس موجود في روايات كتير ..

** منة عامر : ما انا حسيت ان نفس الشخصيه لان كريم عبد العزيز من وقت ما رجع المستشفى في الفيلم وهو حسيت انه في مهمه ..

** عبدالوارث : لا الشخصيه بتعتي اصلا موجوده .. الشخصية بتعملي تحقيقات مكنش غايب ورجع ومتعود على كده ومن المحقيقين المهمين كمان .. من اهم رجال التحقيقات .. هي فكرة جتلي عشان اخش بيها منطقه مش هتلاقيها كتير في الروايات منطقة السجون وما يحدث فيها ..

** منة عامر : الحلقه نزلت الاولى نزلت على مجلة أدباء 2000 .. وباقي الحلقات حصري معانا ان شاء الله .. ؟

** عبدالوارث : انا بس عايز احي مجلة ادباء 2000 .. انا مبسوط  فكرة ان السجين تتنشر عندكو على المجلة مش بس في الصفحه عندي .. وفي نفس الوقت .. كمان انا مش بعتبر نفسي كاتب انا لسه في بداية البداية ..

** منة عامر : لا لا متقولش كده انت يكفيك السجين والموسوم .. وبجد السجين هايله والموسوم فكرتها تجنن بجد وانا هقراها هدخل على صفحتك واقراها ..

** عبدالوارث : ان شاء الله الحلقه الجاية من السجين أنتظروا ظهور شخصيه جديده وظهور ملمح جديد .. في الرواية بس مش عايزكوا تزهقوا لاني لحد دلوقتي مافيش نهاية ليها .. وانا حبيت انزلها على النت لان الواحد محتاج فترة يفكر ايه اللي ممكن يكون بعد الرواية دي .. ونفس الوقت بحاول افضي تفكيري من اللي جواها عشان اكمل صح .. واتمنى انها تعجب الناس .. وانتظروا السجين وانتظروها على مجلة ادباء 2000 واغلبيه الحلقات هتبقى مسجلة صوتياً .. وهتنزل مكتوبه انا بحب اشوف القارء خياله هيوديه لحد فين .. وبعد كده بنزلها مسموعه ..

زي الراديو زمان .. وهايبقى مسؤل عنها  زميلي وصديقي (( محمد نوح )) ..

** منة عامر : أن شاء تنزلها وتعجب الناس وانا واحده من الناس اعده مستنياها بجد لانها قصة حلوة ومن بدايتها باين انها جامده اوي .. والقصه بسيطه وسهله جدا وتحس انك قاعد بتتفرج على فيلم مش بتقراها ..

** منة عامر : في نهاية لقائنا تحب توجه رساله شكر لمين ؟

** عبدالوارث : احي اوجه شكري لاستاذي حسن محمد هو اللي تولاني من بدايتي وهو اللي بيوجهني وبيديني النصائح في كل حاجه في الشغل المسرحي لما بيحصل حاجه او غلطه معينه هو اللي بيتناقش معايا بيبقى سعيد جدا لما بيلاقيني وصلت لمرحله من حياتي في النجاح ... انا عايز اشكره واقولو شكرا على كل حاجه قدمتهالي .. احب اشكر اولاً من الناس اللي متبنيانا بكل حاجه فيها وبيساعدونا كلنا هنا في المعهد  (( الاستاذ والممثل القدير ونقيب الممثلين الاستاذ اشرف زكي  )) أحب اشكره جدا على كل حاجه بيقدمهلنا وبيعملها معانا كل الشكر والتقدير لحضرتك ..

** ثانياً الاستاذ (( حاتم حافظ )) على طريقتة الجميلة والجديه في اعطاء الماده العلميه بشكل حديث وغير تقليدي ..

** ثالثاً .. زملائي في دفعتي بقسم دراما ونقد وبالاخص ( إيناس الغنيمي ))  .. ((ر فادي نشأت )) واحنا التلاته تيم متكامل في الدفعه  .. واحب اشكر دار (( روعة للنشر )) وبالأخص (( محمد صبحي او شهرته محمد سينا )) . واحب اشكر زملائي في الدار برضو زي (( محمد مسعد .. محمود وهبة .. اسلام عبدالحليم .. وفيه كاتب معانا جديد اسمه يحيى محمد .. (( يحيى حامد )) وليه مجموعه قصصيه جيده اسمها (( سكلوثيميا )) .. وعايز اشكر اهلي .. وان شاء الله هيوصلكو نسخه من رواية اقفز

وعايز اهدي اهداء خاص لصاحبي وحبيبي واخويا (( عدبالرحمن السيد )) انا عايز اقولو انا مفتقدك جدا جدا هو دخل الجيش من قريب اوي هو انتيمي وكان دايما معايا ومن الناس اللي تعبوا اوي عشان رواية أقفز من كل حاجه من حفلة توقيع وعشان نعمل كل حاجه للرواية .. بالاضافه ل (( مؤمن عماد .. و محمد حسن و باسم )) .. احنا مجموعة اصدقاء احنا خمسة زي ما ذكرت اسمائهم .. هتلاقي كده في اول االاهداء انا كاتب اهداء الى مجموعة الاصدقاء .. واحب اشكر (( أدباء 200 وعلى رأسهم منة عامر .. اللي اعده قدامي دلوقتي .. على اجتهدهم .. والفكرة مش عشان انتوا بتعملوا معايا لقاء الفكرة بتعتكو انكوا بتساعدوا الشباب على انه ينشر روياته على انه يتشجع ويكتب وكمان مافيش شروط واتمنى يكون عندكو دار نشر قريبا ان شاءالله وبالتوفيق ..

** منة عامر : شكرا يا استاذ محمد واحنا بنتمنالك النجاح يارب وتفضل دايما معانا .. ولكن سؤالي ليك دلوقت هو سؤال اساسي من الاسئلة اللي بسئلها لكل روائي او اديب بتكلم معاه في اي لقاء هو انك راضي عن نفسك لحد دلوقتي ؟ وشايف نفسك ايه في المستقبل ؟؟ ونفسك تعمل ايه ؟

** عبدالوارث : انا راضي عن نفسي بشكل مقبول .. ولسه بعتبر نفسي في البدايه  ولسه جوايا حاجات كتير لسه مطلعتهاش بس انا راضي عن نفسي بشكل مقبول وكبير الى حدا ما شايف نفسي في المستقبل ! معنديش اجابة محدده بصراحه .. ده جزء من شخصيتي الناس بينتقدوني فيه اني معنديش افكار للمستقبل محدده ..

** منة عامر : يعني انت مستمر على طول ؟ ..

** عبدالوارث : انا مستمر انا الشهر ده بكتب نص الشهر الجاي بكتب رواية الشهر اللي بعده بخرج مسرحية انا مستمر مافيش حاجه معينه في دماغي وانا مبسوط من ده مش مضايق منه ..

وفيه فرق بين اني ماليش هدف وفرق بين اني مش مخطط حاجه للمستقبل او انا عايز ابقى ايه .. انا في شغلي بيبقى ليا هدف ان اطلع المسرحية دي بشكل ناجح هدفي ان اعمل كل حاجه بشكل حلو وناجح يعجب الناس هو ده هدفي  اما انا هابقى ايه بالشكل العام لا مش ببصله ..

** منة عامر انا مبسوطه جدا معاك في اللقاء ده وعايزة اقولك انك من الشباب القليلين الناجحين في سن صغير واكيد في ناس كتير زيك طبعا بس انت من القليلين اللي قبلتهم وبالنجاح ده وان شاء الله من نجاح لنجاح فعلا ومستمرين معاك في السجين ومنتظرين حاجه جامده زي رواية أقفز ..

** عبدالوارث : بمناسبة رواية أقفز الوراية مجوده في جميع فروع مكتبة الديوان وبالاخص موجوده في فرع الزمالك .. وعندهم خدمة تسويق الوصول للبيت مجانا وكمان موجوده في عمر بوك ستور في ش طلعت حرب .. وليلى بوك ستور في ش محمد نجيب .. وموجوده في أبداع بوك ستور ف ش احمد فهيم .. وموجوده في دار النشر الاصلية اللي هي (( روعة ) ) ودي في شارع المهندسين بالزمالك او الناس تتصلو بالرقم اللي انا كاتبه على الصفحه وانا ببعتها للناس ..

** منة عامر :: واحنا بنقولك ان مجلة ادباء 2000 داراك وبيتك احنا واقفين جنبك ومستمرين معاك وان شاء الله لينا دار نشر اليكترونية وهنزلك السجين بعد ما تخلصها كلها ننزلهالك ..

** عبد الوارث : وانا بعزمكو من دبوقت على عرض ان شاء الله قريباً جدا لكل فريق العمل هايبقى في شهر 11 الجاري وباذن الله يعجبكو ..

** منة عامر : ان شاء الله نيجي ونحضره وده شرف لينا يا استاذ محمد ونشوفك فعلا امبراطور المسرح القادم باذن الله

**********************************

أنتهى لقائنا مع النجم الجميل والمخرج الرائع (( محمد عبدالوارث )) أنتظرونا في لقائاتنا القادمه باذن الله