محمود إمام .. في لقاء خاص لمجلة أدباء2000 .. مع منة عامر ..

هو قائد الجلسه التاسعه .. صديق جلال الدين الرومي .. محمود بأخلاقه العاليه .. هنستضيفه معانا النهاردة عشان نعرفه اكتر ونقرب منه أكتر .. معانا النهاردة في لقاء مع أديب 2000 .. الكاتب الروائي .. محمود إمام ..

أهلا وسهلا بيك معانا

** إمام : أهلا بيكم

** منة عامر : منورنا يا أستاذنا وبنرحب بيك معانا وشرف ليا انك قبلت اللقاء معايا

في البدايه عايزين نعرف محمود إمام لكل الناس ؟

**محمود إمام : محمود محمد امام خريج كلية تجارة عين شمس .. كاتب وبعشق الكتاب من صغرى .. اول رواية كانت ((  المنكود )) طرحت فى الأسواق ومعرض الكتاب ٢٠١٤ حققت الطبعة الخامسة تلاها رواية((  السرب ))  صدرت نهايات عام ٢٠١٤ وصدر منها الطبعة الثانية الى الان .. عام ٢٠١٥ورايتى الاخيرة  (( الجلسة التاسعة )) الى حققت نجاح غير متوقع وحقق الطبعة الثالثة فى اربع شهور فقط والحمد لله صداها مفرح ووصل لناس كبيرة فروحنى برايهم ..

** منة عامر : مشاء الله عليك

انت كدة تبقى قدوة لشباب كتاب كتير لسه بيبدأو في الكتابه .. من خلال كلامك وتعريفك عن نفسك حاسس أنك ممكن الناس يتاخذوك قدوة ليهم؟

**محمود إمام : دة شرف كبير جدا ليا ومسؤلية غالية اوي يا ريت أكون قدها .. أنا حريص على احترام عقل القاريء وبحترم جدا اراءهم .. بتمنى اكون قد المسؤلية..

**منة عامر : أنت من شخصيتك ورواياتك نقدر فعلاً أننا نقول أنك قد المسؤلية دي .. انا لما عملت عنك الأعداد للقاء لاقيت كل الناس عندك بيشكروا في روياتك وفي حضرتك .. وده هيخليني أسألك ليه ((  الجلسه التاسعه ))  علقت اووي كدة مع الناس اللي قروها .. كلمنا عن الجلسه التاسعه ؟

** محمود إمام : الرواية أخدت تحضير لمدة ٣سنين ما بين التجميع والدراسة .. كنت اكتب وابعد فترة وارجعلها تانى .. بالمناسبة قبل صدور الروايتين السابقتين كتبت فيها اجزاء كبيرة وكنت قايل مش دى الى هتتنشر ..لحد ما عرضتها على ناس ثقة اتحمسولها اكتر مني وقالو الرواية دي هتتنشر وهتحقق نجاح كبير بس محتاجة الصبر .. والحمد لله على نجاحها وبتمنى تكون عجبت القراء ..

** منة عامر : طبعا يا أستاذنا .. أنت جدير بالتقدير ده .. لانك تعبت وأجتهدت فيها .. وناس كتير شهدولها بالروعه فعلا ..

** محمود إمام : تسلمى دة شرف ليا ..

** منة عامر : طيب تعالى نخرج من الوسط الأدبي شوية .. وندخل معاك في عالمك الخاص ..  محمود أمام اوقاته بعيد عن الكتابة بيقضيها في ايه ؟

** محمود إمام : بشتغل ..  عندي مشروعي الخاص التجاري من الناس الى مبتضيعش وقتها .. أول ما بخلص العمل برجع لمعشوقتى الكتابة والقراية .. يومي مبيخلصش غير لما اكون مستفيد بكل لحظة ..

** منة عامر : ربنا يكرمك يارب وتحقق كل اللي نفسك فيه ..

أيه أكتر حاجه ممكن تأثر فيك وايه الموقف اللي حصلك حسيت انه غيرك غير منك من حياتك من شخصيتك ؟

** محمود إمام : المواقف كثير وغزيرة بس أثرت فيا للأحسن وزادتنى .. الى يأثر فيا ان رسالتي متتفهمش وكلامى يتفسر غلط .. الى غير من حياتى وفاه والدى رحمه الله .. علمنى المسؤلية ...

** منة عامر : وعدت وعد قبل كدة وخلفته ؟ ولو حد خلف وعده معاك بتقدمله أعذار ولا بيسقط من نظرك ؟

** محمود إمام : مبوعدش بوعود غير لما بكون قدها ..

** منة عامر : ولو خلف وعده معاك ؟

** محمود إمام : وبلتمس اعذار لية لو كان العذر مقبول يتعقل ..بس فى وعود مش ممكن تعدى او نعديها خصوصا لو كانت تخص تأسيس حياة مثلا .. زى وعود المحبين ..

** منة عامر : معنى كدة انك مش بتغفر للحبيب ؟

** محمود أمام : بغفر ليه طبعا انا عمرى ما بشيل من حد مهما كان ..

** منة عامر : حضرتك متجوز ؟

** محمود إمام : لا خاطب

** منة عامر : بتحط حدود مع الناس ولو بتحط حدود مع الناس أصحابك ليهم حدود بردو ولا انت مع أصحابك مافيش حدود مابنكم ؟

** محمود إمام : بينى وبين كل الناس علاقة احترام وتقدير واكيد كل حد ليه حدود معينة..

انما الاصحاب لا طبعا اصحابى متربيين سوا وعارفنى كويس بينا مفيش حدود طبعاً ..

                                         ***************************

** منة عامر : هنرجع للجلسه التاسعه تاني واقولك قدرت ازاي تعمل المعادله دي .. الناس كانت كاتبة كتير وانا قريت أن كل ما حد يخمن حاجه تطلع غلط تماماً ؟

** محمود إمام : كان الغرض عمل رواية زى ما بيقولو مجنونة بس معقولة فى نفس الوقت ..

خيال ممزوج بواقع لكن منتقى جدا.. ودة الى خوفنى فى البداية من الفكرة نفسها  القلق من تقبل الناس للفكرة .. طول عمرى بحب السيكوداما .. او الادب النفسى اكتر وهتلاقى دة فى روايتى الاولى بشكل كبير جدا استخدمت الصيغة النفسية بشكل مختلف خفيف .. لكن فى الجلسة التاسعة استخدمه بشكل كبير والحمد لله نجحت فيه بشكل كبير .. الجلسة التاسعة خيانة وجريمة مدبرة باستخدام طبيب نفسى .. والنهايات العادلة لكل مشترك فى الجريمة دى .. حتى بعد ما حطيت النهاية لما قريتها مرة تانية قلت انا ازاى فكرت كدة !؟.

** منة عامر : ورائيك ايه في اللي بيحصل حالياً وقبل كدة يعني بنظرتك للأمور كدة انت شايف اللي بيحصل في البلد كان صح من البداية ولا لا ؟

**  محمود إمام : كان صح .. 👍👍

** منة عامر : طيب مين الأب الروحي او المثل الأعلى لمحمود إمام ؟

** محمود إمام : سيدنا محمد طبعاً .. عليه افضل الصلاة والسلام ..

** منة عامر : عليه الصلاة والسلام .. أول مرة حد يجاوب الإجابة دي معايا بحييك عليها..

* شفته في رؤية قبل كدة ؟؟

** محمود إمام : أكتر من مره .. الحمد لله .

** منة عامر : احكلنا على مرة واحدة كأنك بتحكي عن قصة شفتها بعنيك ؟

** محمود إمام : دخلت زى مكان ممكن تقولى دكان قديم صغير كان فى شخص زى ما تقولى كدة خادم وقابلت رسول الله كان حواليه هالة بيضا دفعت 3 جنية ورق وقلتله دول لوالدى اخدهم منى وتقبله على باب الدكان كان ابن عمى اسلام بيقلى خلاص الوقتت خلص واسلام حلم بعرش المولى سبحانه وتعالى افتكرت دة فى الحلم كنت متلهف انى ابقى وغادرت الدكان مع اسلام ..

 منة عامر : الله جميلة اووي  ..

** محمود إمام راي عن نفسه وعن حياته لحد دلوقت .. وعايزين نعرف أنت من الناس اللي بتحط خطط وأهداف للمستقبل وبتنفذها .. ولا بيبقى جواك حلم وبتحاول تحققه مش اكتر ؟

** محمود إمام : بكل امانة كان الاول جواية حلم واتحقق .. دلوقتى بقى ليا اهداف للمستقبل مع الحلم بردو بس بقى اكبر .. بقيت اخطط ليه بكل جدية

** منة عامر : يعني شايف أن التخطيط للمستقبل أفضل للكاتب ؟

** محمود إمام : طبعا جدا جدا .. مش للكاتب وبس لأي بنى ادم عادى ..

* منة عامر : طيب بما أنك بقيت كاتب معروف في الوسط الأدبي شفت مواقف أزعجتك من الوسط لما دخلته ؟ .. قلت مثلا يارتني مكنت دخلت الوسط ده ؟

** محمود إمام : اكيد فى مواقف كثيرة حصل بس مش للدرجة انى اقول يا ريتنى ما دخلت والوسط .. فى موقف او اثنين عن روايتى الثانية((  السرب ))  مثلا جالى نقد كبير بس موقفنيش النقد فى حد ذاته استفادة لأى كاتب .. علشان يصحح المسار ويتحسن للأحسن ..

** منة عامر : نفسك تقول ايه لكل الناس اللي وقفوا جنبك وساندوك في حياتك .. وجه كلام لكل الناس اللي بتحبهم .. ولجمهورك ؟

** محمود إمام :  شكرا لكل حد ساندنى ووقف جمبى ووثق فيا وبقول للجمهور يا رب دايما اكون عند حسن الظن .. يا رب روايتى الى جاية تنول اعجابكم ..

** منة عامر : شكرا ليك يا أستاذنا والله أمتعتنا بإجاباتك الجميلة دي .. وكلامك عن رواياتك

انا أتشوقت أني اقراهم كلهم عقل حضرتك وتفكيرك وآرائك لازم نقف احتراماً لهم بجد .. شرفتنا ونورتنا في مجلتنا المتواضعه .. وشرفتني ووسام في تاريخ حياتي المهني أني اتشرفت باللقاء معاك ..

** محمود إمام : الشرف ليا انا بجد يا رب اكون عملت حوار مقبول والناس تتقبلة .. وبتمنى اعمل حوار معاكم تانى فور صدور روايتى الرابعة بإذن الله ..

** منة عامر : ان شاء الله يافندم وأحنا منتظرنها وهنعمل لقاء تاني معاك اكيد أن شاء الله ..

أنتهى لقائنا مع الكاتب الروائي المبدع محمود أمام وأنتظرونا في لقاءات قادمة أن شاء الله

تم بحمدالله